La Stampa - Consultazione Archivio

Tavio Còsio, poeta dël Mei Tavio Còsio, poeta dël Mei Un lìber da gusté per ne scritor daspèrchiel ch'a conta arcòrd ed vita paisan-a e viton-a PRIMALPE Cd Cone) a pùblica 'n lìber citinòt, ma pìen ed bel deuit ch'a s'antitola «La Ciatlin-a» (pp. 40, euro 9), na storiètta gavà da le conte che Tavio Còsio a l'ha scrivù arcordand soa infansia 'd campagna. E Graziano Isaia - per omagi a-j va dare decalcand n'àuta stòria, «Filippo e il veghone dei sarvanot», ch'a l'è ilustrà da Marco Pallone. Un lìber ch'a nass sota l'anségna di'Associassion Tavio Cosio (con na prefassion d'Albina Malerba ch'a parla die scritor e dia poesìa del so mond e un-a 'd M. Lucia Brusa ch'a parla pi ap general del gust e del sust ed lese). Tavio Còsio a l'è un dij pi fòrt prosador del Neuvsent. La pròsa piemonteisa a l'ha pijà con chiel n'andi s-cèt e concret. Un mond ed campagna ch'a va dacant a 'n mond d'infansia e 'd fàule pien-e 'd còse. Un piasi ,'d conte ch'a goema '1 fil ed fer ch'an ten gropà a na siviltà 'd pian-a e montagnin-a. Còsio a l'ha fàit èl farmacista a Mei, an Val Varaita - la stessa vai ed Barba Tòni Bodrìe - ma a l'è nà a Vilafalet e a Iha studia 'n seminare, come podìa capite quand che un a l'avìa l'intehgensa ma nen tante prospetive 'd seurte da la carzà 'd na famija paisan-a. La conta dia ciatlin-a a l'è pijà dal volum «Pere, gramon e honsa», publicà die Stantesinch da la Ca de Studi Piemontèis con na prefassion 'd Barba Tòni (sempre da la Ca de Studi a surtirà peni 1 second lìber, «Sota 1 chinché», con na prefassion ed Giuliano Casca Queirazza). Ma a mi an pias arcordè '1 Còsio d'un dì che son andàit a trovelo a Mei con èl professor Gandolfo. Gandolfo che .'n surtend da la farmacìa am parlava 'd chiel coma 'd né scritor (costa a l'è stàita soa paròla) «saturnino»: ne scritor daspèrchiel, con n'aria 'n pò servaja. Ma m'arcòrdo 'dcò 'd na vota ch'a l'è vnù a la Ca de Studi e ch'a l'era motobin anteressà a me giudissi, apress che Gandolfo a l'avìa fame lese soe còse. M'arcòrdo che eia vota lì a l'è stàit motobin amàbil e ciaciarin. An cost lìber simpàtich i treuvo che ij Còsio ch'i l'hai cognèssù a-i son tui doi. E ch'a stanbin'nsema. [g.t.] Disegn ed Tavio Còsio