La Stampa - Consultazione Archivio

Amprende la lenga piemontèisa Amprende la lenga piemontèisa Da Turin a Roma passand per nòste province ij còrs organisà da la Region e da Ca de Studi As'ancamìn-a da Turin, lùn-es 21 ed fervè a sinch ore del dòp disné, con na lession su «I poeti deda bela companìa dei Brande». Per deurbe a roa, un-a apress l'àutra tute le vintedoi sede dij Cors «Piemontèis d'amprende. Leggerlo, scriverlo, parlarlo», che da eut ani la Ca de Studi Piemontèis a organisà per la Region Piemont, ant le spirit dia Lej n. 26 del 1990 ch'a l'ha '1 but dia tua e dia valorisassion dl'original patrimòni lenghistich del Piemont. Da Turin, a Mondvì, da Ivrèja a Noara, a Carmagnòla, a Savian, Varai, Casal, Alba, Susa, Salusse e via fòri, per quatsent ore 'd lession, con na tranten-a 'd docent da Giuliano Casca Queirazza, ch'a farà an tute le sede n'ancontr sij cognòm piemontèis, a Tavo Burat, Angelo Agazzani, Pino Perrone, Giusep Gorìa, da Massimo Scaglione, ch'a fa lession de stòria del teatro, a Censin Pich, Dario Pasero, Michele Bonavero, Sergio Gdardino a Giovanni Tesio ch'a l'è 'dcò '1 Diretor dij Cors. Novità de st'an '1 Cors ch'as farà ant la sede dia Region a Roma, dòp l'esperiensa pdòta del 2004, ansema a l'Associassion dij Piemontèis a Roma. Tuti ij cors a saran ed neuv ancontr, sinch ch'a serviran pròpi a amprende a scrive '1 piemontèis e soe variante locaj, e quat ed leteratura, teatro, canson popolar, lenghistica. Ij post a son: a Turin, mersì a la colaborassion con le Biblioteche Civiche Tori- nesi, a la Biblioteca «A. Geisser», cors Casal 5; a Moncalé a la Famija Moncalerèisa, via Alfieri 40; a Susa a l'Unitre, cors Union Sovietica 18; a Ivrèja a l'Istituto d'Istrussion Superior «G. Cena» an via Dora B altea 3; a Pinareul al Museo del Mutuo Soccorso, via Sdvio Pellico 19; a Carmagnòla a la Biblioteca Cìvica, via Valobra 102. Sòn per lòn ch'a riguarda la Provincia 'd Turin. Per tute j'àutre sede a basta de na telefona al nùmer 011/53.74.86 (pòsta eletrònica: cspiem@libero.it) per savèj ij programa complet, ij post, ij di e tute le anformassion ch'a peulo anteressé per iscrivse. A la fin del Cors tuti j'iscrit a ricevran n'atestà 'd frequensa. E anlora tacoma! [a.m.] li professor Sergio Gilardino