La Stampa - Consultazione Archivio

Arcordé Barba Tòni Bodrìe Arcordé Barba Tòni Bodrìe La vos viton-a 'd na poesìa ch'a trocion-a nen a canta con alegrìa sarvan e faunèt dia Varàita A son tòst sinch agn ch'a l'è mancaje Barba Tòni Bodrìe e a l'è bel arcordelo sì come n'òm ch'a l'avìa 1 gust e '1 sust dia coerensa. Per chiel èl vej adasi latin («Amicus Plato sed magis amica veritas») a valla cheicòs. Amis ed tùit ma pi 'ncora dia verità. Amis, pi che tut, dia poesìa, che a cudìa con la passion d'un armita ch'a savia calè giù dai brich come 'n viton. Na passion veja s'a l'è vera ch'a l'era laureasse con na tesi su Silvio Balbis, un dij salussèis dl'inissi dl'Eutsent ch'a l'era stàit amis d'Onorato Pellico, '1 pare 'd Silvio Pellico. Soa poesìa a l'è cudìa con le pere dia Varàita e a canta la natura, ij faunèt, ij sarvan, le fràule-frole piemontèise, ij castej ch'a stèilo, le ròce ch'a fan da cun-a e a fan da camposanto, ch'a gropo la vita e la mòrt: la mòrt ch'a dà la vita, la vita ch'as sarà - mach per durvisse - ant la mòrt. So mond a l'era 'n mond ed religion ant un mond che 'd religion a veul gnanca sentine parie: rehgion ch'a gropa inteligensa e sentiment, rehgion ch'a gropa ij pare ai fieuj, rehgion dia natura e dia tradission, religion ch'a parla d'angej e 'd Nosgnor. Soa lenga a l'era rica coma so vocabolari ch'a cuija doa ch'a j'ésmijava, ch'a méssonava tra valade e pian-a, tra le parlade dij pastor e dij meste, dij lìber ch'a lesìa e die vite ch'a vivìa. A l'era passa da na poesìa tuta naturai a na poesìa tuta spiritual. Ma soa manera 'd vive le spìrit a l'avìa gnente 'd mòl, a l'era drua e férma come na rol, come un malézzo 'd soe part. A l'era n'òm ed coltura e 'd leture. A l'era stàit diretor dia biblioteca 'd Salasse, a l'avìa mostà stòria dl'art ant le scòle. A l'era n'òm ativ, a l'avija fonda 1 Moviment Autonomista Ocitan, peuj a l'era passa al Piemont Autonomista e a l'avìa finì 'd fé 1 consijè ragionai per la Lega. Pi che tut poeta, a l'è vivù ant l'ambossor ed soa vai pòvra e benedìa, dovrand le paròle come 'n giugador ch'a trocion-a nen e cb'a-j basta pòch per fé so gieugh ch'a l'è fianch nen da pòch. Per noi Barba Tòni a l'è la poesìa dij so lìber pi bej. Coj ch'a parlo e arson-o con l'alegrìa die sìlabe e dij nòm. [g. t.] Barba Tòni Bodrìe