La Stampa - Consultazione Archivio

Arcordé Domenico Seren Gay Arcordé Domenico Seren Gay Ator e studios del teatro 'n piemontèis Le arsorse d'un poeta pien d'umanità ATOR(a l'ha recita con Angelo Alessio, con Carlo Artuffo, con Casaleggio), al teatro piemontèis a l'ha dedicaje na «Stòria» publicà del 1971 da Piemonte in Bancarella con na prefassion d'Erminio Macario e a l'ha soagnà del 1977, per Friuli e Verlucca, nVIndagine enciclopedica sul teatro piemontese. Teatro popolare dialettale». Parloma 'd Domenico Seren Gay, turinèis, nà an nòsta sita '1 10 d'otober del 1931, doa a l'è manca él mèis passa. Soa passion pi s-cétta a l'è stàita cola del teatro, ma a Iha 'dcò fàit ed television e 'd cine e a l'ha canta e scrivù 'd canson. Ma noi i voroma arcordelo per un pcit lìber ed poesìe an piemontèis, «N'àtim d'amor» (Piemonte in Bancarella 1973, prefassion d'Enrico Gianeri, Gec): vers sempi e sincer dedica a soa sita, ai moment bej e magona dia vita: «I l'hai pensa/che esse sgnor/ o esse pòver,/ che vive sì o vive là,/ le còse a cambio pà». Paròle cite, ma pien-e d'umanità, d'un òm che a Iha la cossiensa ch'i foma tante ròbe, coroma da sì e da là, ma a la fin i soma mach «un cit frament/ dl'etemità». A son verità gènite, quasi masnà; na pròsa poetica che an arvela un cheur ch'a serca ant ij vers n'arzorsa per ij moment ed sagrili che ógni vita a pòrta con chila: «E quand toa staila/ at dirà: ven a l'è ora ,/gnun rimpiant./vaje da press, daje da mentiva, coma a van le feuje/ quand ch'a-i è '1 vent». Ant él lìber a-i son èdcò tre canson, con la mùsica dacant, e a l'ha fame gòj trovè na canson che me pa am cantava da cita e ch'i savia nen ch'a l'era 'd Domenico Seren Gay: «Gioanin pet pet Sigàla» col ch'a fasìa l'aviator, «mancaje la benzin-a,/ l'ha fàit lòn ch'a san lor». Lòn ch'a stupiss a l'è che tut cost travaj, tut cost sentiment piemontèis a l'abia nen daje la speransa ant l'avnì per nòsta cita lenga. Él lìber as sarà con la poesìa «Dialèt an sepoltura»: «Nen èl cheur - bin antèis -I ch'a l'è sempre turinèis,/ ma la frèida rason/ a l'ha detame/ sta composission». Ambelessì arcordoma so cheur piemontèis, d'ator, ed poeta, d'artista, che adess a l'è «lassù/ansema al vent». [a.m.] Domenico Seren Gay