La Stampa - Consultazione Archivio

Le lenghe e le legi nassionaj Le lenghe e le legi nassionaj Plemontèis da arconòsse e da garantì per na mossion ch'a l'è sèrnia 'd siviltà IJ réscontr a son fàit per discute è per ten-e 'nformà, coma as disia 'n latin, slé «status quaestionis». Nen un cas che a l'ùltim réscontr antèrnassional de studi an sia lenga e la Uteratura piemontèisa, ch'a l'è tenusse ai 10 e a j' 11 ed magg a Palass Bareni, a sia sentusse l'esigensa 'd ciamesse a che mira soma con la costion del piemontèis e die nòste legi nassionaj ('1 Senat ch'a l'ha aprovà la lege n. 3366 «in materia di tutela delle minoranze linguistiche storiche» tajand fora èl piemontèis dal nùmer die lenghe arconossùe). Pa basta che fin-a dal 1981 él piemontèis a sia stàita arconossù an sèi Rapòrt 4745 del Consèj d'Europa tra le lenghe minoritarie. Pa basta che la Region Piemont a l'abia aprovà e modifica ant èl '97 na lege per la tua dia lenga piemontèisa come un-a die quat (con l'ocitan, èl franch-provensal e '1 walser) ch'a fan part del patrimòne regional. Pi che giust alora ch'a s'insista perchè l'ingiustissia 'd na lege nassional bèstòrta a sia drissà. E pròpi per sòn a la fin del réscontr ed Palass Bareul a l'è votasse a l'unanimità na mossion «per la lenga piemontèisa». Lamentand «un tòrt che a l'ha frapà 'nt èl pèrfond la dignità e '1 sens ed giustissia dia gent dèi Piemont», la mossion a clama che «la lenga piemontèisa a ven-a giontà a la lista die lenghe da arconòsse e garantì». Nen mach, ma che a la Region Piemont lavo Burat e il professor Gasca «a sia dàita la competensa legislativa per un bilenghism ufissial italian-piemontèis»; che «a-i passa pa ancor d'àutri ani per. istituì 'd catedre 'd lenga e literatura piemontèisa ant j'Università 'dTurin e del Piemont» e che an prevision dij Gieu olimpicb ed l'invem 2006 «as fassa an manera che '1 piemontèis a ven-a considera lenga co-ufissial ant la sirimònia d'overtura e arlongh tut l'arch ed le manifestassion». Coma nen esse d'acòrde? A né smija che sossì a sia fàit ant le spìrit ed salve tut lo ch'as peul salvesse 'dnans ch'a fassa neuit. Na sernia 'd siviltà. Fora da tute le identità blocà, la mossion a n'anvita a pensé che salve quaicòs ed noi a l'è salve quaicòs ed tuti. [g.t.]